-
Nga:
Faton Polisi
- 31 gusht 2023 17:26
- Shpërndaje në:
Mesfushori i Ballkanit, Meriton Korenica insiston se ëndrra e tij – ftesa nga Kosova – është bërë realitet të enjten.
Selektori i Kosovës, Primozh Gliha të enjten ka publikuar listën e lojtarëve të ftuar për ndeshjet e shtatorit në kuadër të kualifikimeve për “Euro 2024”. Në mesin e 27 lojtarëve të ftuar, ishte edhe emri i Korenicës.
Në fakt, Korenica po ftohet për herë të parë në një grumbullim të “Dardanëve” dhe është futbollisti i vetëm nga Superliga e Kosovës që është ftuar nga Gliha.
Për KOHËN, Korenica ka thënë se ndihet krenar për ftesën dhe ka shtuar se në çdo moment është i gatshëm ta përfaqësojë vendlindjen e tij.
“Është një ëndërr e bërë realitet. Ka kohë që e kam pritur këtë ftesë, por kam duruar dhe punuar shumë. Shpresoj ta përfaqësoj në mënyrën më të mirë vendin tim dhe jam i gatshëm gjithmonë për ta dhënë maksimumin. Ftesa është një motiv shtesë për mua”, ka thënë Korenica.
Edhe
Korenica shpreson t’i fitojë me Kosovën të gjitha ndeshjet
26-vjeçari është njëri prej lojtarëve kryesor të Ballkanit, ndërsa këtë edicion ka shënuar 3 gola dhe ka bërë 1 asisim në 7 paraqitje të kampionit të Kosovës në garat e UEFA-s.
Kosova do të luajë më 9 shtator kundër Zvicrës në Prishtinë dhe më 12 shtator ndaj Rumanisë në udhëtim. Ka pak gjasa për kualifikim.
