Futbollisti Meriton Korenica shpreson t’i fitojë të gjitha ndeshjet e Ligës së Kombeve.
Korenica e ka zënë vendin e Donat Rrudhanit, i cili ka pësuar lëndim dhe nuk arriti t’i bashkohet “Dardanëve” për katër ndeshjet në Ligën e Kombeve.
29-vjeçari Korenica ishte në listën e zgjeruar të përzgjedhësit Franco Foda. Ai tani është pjesë e FCSB-së rumune, skuadër të cilës iu bashkua nga Cluji.
“Po përgatitemi maksimalisht për ndeshjen e parë. Gjithçka po shkon shumë mirë. Lojtarët janë të motivuar për ndeshjen e parë dhe shpresoj që gjithçka të shkojë mirë.
Korenica në 12 ndeshjet e këtij sezoni në të gjitha garat për Clujin dhe FCSB-në, ka realizuar katër gola ndërsa ka kontribuuar me një asistim.
Për Kosovën ka gjashtë paraqitje.
“Kosova ka treguar potencial të madh në këto ndeshje dhe pres, pse jo ta fitojmë ndeshjen dhe në çdo ndeshje ta japim maksimumin për t’i fituar pikët e plota dhe më pas të shohim se çfarë do të ndodhë”, ka theksuar Korenica.
Ai pret ndihmën e shikuesve.
“Pres përkrahje në çdo ndeshje, dhe në çdo ndeshje të fitojmë pikët e plota”, ka thënë Korenica.
Kosova është në Grupin B3 së bashku me Irlandën, Austrinë dhe Izraelin.