Lucas Torreira do të mbetet te Fiorentina edhe pas përfundimit të sezonit aktual. Mësohet se Fiorentina ka vendosur ta shfrytëzojë opsionin e blerjes së kartonit të tij nga Arsenali pas paraqitjeve të mira të uruguaianit. Për transferimin e përhershëm të Torreiras, Fiorentina do të paguajë 15 milionë euro për ta aktivizuar klauzolën e blerjes së tij.
Torreira u huazua te Fiorentina në fillim të këtij sezoni kurse deri më tani, Torreira ka tri gola e një asistim në 27 ndeshje në të gjitha garat.
Torreira ka kontratë ne Arsenalin deri në vitin e ardhshëm kurse ka luajtur edhe për Atletico Madridin, Sampdorian e Pescaran.
