Përzgjedhësi i Italisë, Roberto Mancini është në konkurrencë me trajnerin e Manchester Cityt, Pep Guardiolan dhe atë të Chelseat, Thomas Tuchelin për çmimin e trajnerit më të mirë të vitit që ndahet nga FIFA.
FIFA të enjten ka zyrtarizuar kandidatët për këtë çmim në konkurrencën e meshkujve ndërsa fituesi do të shpallet më 17 janar.
Mancini e udhëhoqi Italinë drejt triumfit në “Euro 2020” dhe vendosi rekord me 37 ndeshje pa humbje.
Guardiola e fitoi titullin e kampionit në Premier League me Cityn ndërsa Tuchel e udhëhoqi Chelsean drejt suksesit në Ligën e Kampionëve vitin e shkuar.
Artikuj të ngjashëm