Pas Jordan Hendersonit, edhe një lojtar tjetër do të largohet nga Liverpooli për ta vazhduar karrierën në Arabinë Saudite. Bëhet fjalë për mesfushorin defensiv, brazilianin Fabinho, i cili gjatë këtyre ditëve pritet të transferohet te skuadra e Al-Ittihadit.
“The Athletic” ka njoftuar të enjten se Liverpooli ka lënë Fabinhon jashtë listës së ekipit për ndeshjet përgatitore, pasi tashmë ka arritur marrëveshje me ekipin saudit për kartonin e tij.
Thuhet se ekipi saudit për Fabihnon ka pranuar të paguajë mbi 30 milionë euro, duke pasur parasysh se 29-vjeçari ka kontratë me ekipin anglez deri në vitin 2026.
Ai është pjesë e Liverpoolit prej vitit 2018 kur iu bashkua nga Monaco, ndërsa edicionin e fundit pati 49 paraqitje në të gjitha garat.
Artikuj të ngjashëm