Albulena Gërvalla ka pësuar disfatë në raundin e tretë në Evropianin e karatesë që po mbahet në Gaziantep të Turqisë. Karateistja e kategorisë deri 55 kilogramë fitoi dy luftërat e para.
Në raundin e parë mposhti karateisten nga Letonia, Luize Marija Muizniece, ndërsa në të dytën garuesen nga Lituania, Gabriele Marozaite. Në luftën e tretë humbi nga karateistja italiane, Veronica Brunori.
Ndërkohë, Shpresim Shabani është ndalur në luftën e parë. Shabani në raundin e parë e kaloi pa luftë, ndërsa në të dytën humbi nga karateisti belg, Youness Amar Haj Oualad. Karateisti Shabani është i kategorisë deri 67 kilogramë.
Gara individuale gjatë ditës do të kenë edhe Redona Gashi e kategorisë deri 50 kilogramë dhe Albinot Selmani i kategorisë deri 60 kilogramë.
Selmani përballë e ka karateistin nga Ukraina, Nikita Filipov. Karateistët e Kosovës do të kenë edhe gara ekipore.
-
Karateistët e Kosovës nuk fituan asnjë luftë në ditën e dytë të Evropianit
-
Karateistët pa sukses e mbyllën edhe ditën e dytë të Botërorit
-
Karateistët udhëtuan për medalje, kthehen me një fitore e shumë disfata
-
Eliminimi i hershëm i karateistëve që synim kishin medaljen në Lojërat Mesdhetare
-
Shabani i vetmi që lufton për medalje në Evropianin e karatesë