Mesfushori nga Spanja, Isco, mund të jetë transferimi befasues i skuadrës së Evertonit pas përfundimit të afatit kalimtar të janarit. Sipas “The Sun”, drejtuesit e Evertonit janë në negociata me Iscon dhe marrëveshja mes palëve mund të arrihet brenda kësaj jave.
Isco është lojtar i lirë, pasi muaj më parë shkëputi kontratën me Sevillan dhe mund të transferohet edhe pas afatit kalimtar.
30-vjeçari në fakt pritej t’i bashkohej Union Berlinit, por marrëveshja dështoi në çastet e fundit dhe tani është i gatshëm për ta vazhduar karrierën në Angli.
Evertoni është i gatshëm t’i ofrojë Iscos kontratë deri në fund të këtij sezoni me opsionin e rinovimit edhe për vitin tjetër.
Isco këtë sezon ka shënuar një gol dhe ka bërë tri asistime për Sevillan, ndërsa karrierë në Spanjë ka bërë edhe te Real Madridi e Malaga.
