Alpine njoftoi të martën se në vitin 2023, Oscar Piastri do të vozisë për ekipin e tyre në vend të Fernando Alonsos, i cili çuditërisht konfirmoi dje kalimin e tij tek Aston Martin. Megjithatë, një tronditje e re pasoi për ekipin francez në Formula 1 në më pak se 24 orë.
21-vjeçari australian Piastri përmes rrjeteve sociale ka njoftuar se vitin e ardhshëm nuk do të vozitë për Alpine.
"Alpine F1 lëshoi një deklaratë pa pëlqimin tim duke thënë se unë do të vozis për ta vitin e ardhshëm. Kjo është e gabuar pasi nuk kam nënshkruar kontratë me Alpinen për vitin 2023. Nuk do të vozis për Alpine vitin e ardhshëm", ka shkruar piloti i talentuar australian. .
Piastri është produkt i akademisë së pilotëve të Alpine, ku mbërriti në vitin 2019 pasi fitoi titullin e Formula Renault Eurocup.
Australiani ishte piloti më i mirë në Formula 3, për të fituar kampionatin e Formula 2 më 2021.
Në ekipin francez, Piastri iu caktua roli i pilotit të dytë, përkrah francezit Esteban Ocon, i cili është në ekip që nga viti 2020 dhe aktualisht është në vendin e tetë në renditjen e Kampionatit Botëror të Formula 1.
