Një ditë pas largimit të Erjon Kastratit nga Golden Eagle Ylli, edhe një basketbollist tjetër ka konfirmuar se nuk do të jetë pjesë e ekipit nga Suhareka për sezonin e ri.
Mikaile Tmushiq të premten nëpërmjet një postimi, ka konfirmuar largimin nga kampioni i Kosovës.
Ai ka falënderuar drejtuesit e klubit dhe tifogrupin “Xhebrailat” për mbështetjen e dhënë gjatë kohës sa ishte pjesë e ekipit. Tmushiq e ndihmoi Yllin sezonin e shkuar ta fitojë titullin e kampionit dhe u zgjodh MVP i serinë finale të plejofit.
“Është shumë e vështirë për mua të gjej fjalët e duhura për të falënderuar drejtuesit e klubit, shokët dhe trajnerët e mi më të mirë për sezonin më të bukur që kam pasur në karrierën time. Dua t'ju falënderoj për të gjitha momentet e bukura që kaluam së bashku gjatë gjithë sezonit për të gjitha të këqijat, sepse pa to nuk do të arrinim gjithçka që kemi arritur këtë sezon. Falënderoj ‘Xhebrailat’ për mbështetjen e dashur gjate gjithë sezonit sepse pa ta asgjëe nuk do kishte aq kuptim sa qyteti i Suharekës ku u ndjeva si ne shtëpinë time. Faleminderit edhe një herë”, ka shkruar Tmushiq.