Roger Federer ka fituar ndeshjen dramatike ndaj Nick Kyrgios për t’u kualifikuar në finale të Miami Open, shkruan BBC.
35 vjeçari shënoi fitore të vështirë me rezultat 7-6 (11-9) 6-7 (9-11) 7-6 (7-5), për të shënuar rekordin e tij më 2017 me 18 fitore dhe një humbje, transmeton Koha.net.
Dhe në finale ai do të përballet me rivalin e tij të kamotshëm Rafael Nadal, që është përballja e tyre e 37-të.
Kjo është finalja e tyre e dytë për këtë vit, pasi në janar Federer kishte mposhtur spanjollin në finalen e Australian Open.
Ndal dje kishte mposhtur italian Fabio Fogninin me rezultat 6-1 7-5 për t’u kualifikuar në finale të Miami Open që zhvillohet të dielën.
Federer e ka fituar dy herë këtë turne, më 2005 dhe 2006, kurse Nadal nuk ka triumfuar asnjëherë përkundër që katër herë ishte në finale, më 2005, 2008, 2011, dhe 2014.