Massimiliano Allegri mund të përfundojë në elitën e futbollit të Arabisë Saudite.
Skuadra Al Hilal po e synon afrimin e trajnerit të Juventusit, ndërsa mediat italiane të shtunën kanë raportuar për një ofertë joshëse për të.
“Rai Sport” ishte e para që raportoi për takimin e përfaqësuesve të Allegrit dhe Al Hilalit në Monte Carlo në ditët e fundit.
Allegrit i është ofruar kontratë trevjeçare me 30 milionë euro në total, plus 10 të tjera bonuse.
Më herët gjatë këtij muaji, “La Gazzetta dello Sport” ka njoftuar se Allegri e ka refuzuar ofertën nga Al Hilal, pasi të ardhmen e sheh te “Zonja e vjetër”.
