Mesfushori spanjoll mund të kthehet përsëri në vendlindje.
Cesc Fabregas është lënë jashtë Kupës së Botës nga trajneri i Spanjës, Julen Lopetegui, pas një stinori jo shumë të mirë me Chelsean.
Ish-futbollisti i Barcelonës, mund të kthehet sërish në La Lig, por këtë herë jo te katalanasit, pasi për të kanë shprehur interesim Valencia dhe Villarreali.
Ekipi nga Mestalla, ka siguruar kualifikimin në Ligën e Kampionëve për edicionin e ardhshëm dhe synon ta përforcojë skuadrën për të pasur paraqitje të mira në Evropë, transmeton ksp.
Por ata do të kenë konkurrencën e Villarrealit, që po ashtu ka shprehur interesim për Cesc.
Fabregas ka edhe një vit kontratë me Chelsean dhe duke parë që klubi anglez nuk e ka ndërmend të vazhdojë bashkëpunimin me të, ai mund të largohet gjatë kësaj vere.
