Shoqata globale e futbollistëve, FIFPRO, ka njoftuar se dy futbollistë ukrainas, kanë vdekur në mbrojtje të shtetit të tyre nga pushtimi rus.
Federata Ndërkombëtare e Futbollistëve Profesionistë ka konfirmuar se Vitalii Sapylo 21-vjeçar dhe Dmytro Martynenko 25-vjeçar, kanë humbur jetën në luftë dhe janë bërë viktimat e para të futbollit gjatë pushtimit të Rusisë në Ukrainë.
Pushtimi i Rusisë në Ukrainë ka hyrë në ditën e shtatë.
“Mendimet tona janë me familjet, shoqërinë dhe bashkëlojtarët e futbollistëve të rinj ukrainas, Vitalii Sapylo dhe Dmytro Martynenko, lojtarët e parë të futbollit që kanë humbur jetën në luftë. Pushofshin në paqe që të dy”, thuhet në komunikatën e FIFPRO.
Sapylo ka qenë portier i skuadrës së të rinjve të skuadrës Karpat Lviv, ndërsa Martynenko, luajti për skuadrën e rangut të dytë, FC Gostomel.
-
Lojtarët e Ukrainës ia kujtojnë botës vështirësitë dhe shkatërrimet nga lufta
-
Ukraina: 133 sportistë e trajnerë kanë vdekur që nga fillimi i pushtimit rus
-
Vdes edhe një sportist 19-vjeçar në Ukrainë
-
Mykolenko sulmon lojtarët e Rusisë për mosreagim ndaj veprimeve të Putinit
-
Të paktën pesë të vdekur nga një sulm rus në Ukrainë