Kevin Durant realizoi 23 pikë në debutim për Phoenix Suns në ligën NBA. Ai kontribuoi në fitoren 105:91 kundër Charlotte Hornets.
Ish-lojtari më i vlefshëm i ligës iu bashkua Sunsit nga Brooklyn Netsi tri javë më parë, por nuk luajti derisa e la prapa lëndimin.
Bashkëlojtari i tij, Devin Booker, shënoi 37 pikë në këtë fitore.
Milwaukee Bucks dhe Boston Celtics kanë vazhduar me dominim në Konferencën e Lindjes.
Giannis Antetokounmpo i Milwaukee shënoi 31 pikë në fitoren ndaj Orlando Magic, 139:117. Ishte fitorja e 16-të rresht për Milwaukee.
Me këtë fitore Milwaukee Bucks mbetet lider në konferencë.
Jayson Tatum me 41 pikë ishte lider në fitoren 117:113 të Bostonit kundër Cleveland Cavaliersit.
New York Knicks e realizoi fitoren e shtatë të njëpasnjëshme. E mposhti Brooklyn Netsin, 142:118, në “Madison Square Garden”.
Los Angeles Lakersi pa LeBron Jamesin e lënduar fitoi ndaj Oklahoma City Thunderit, 123:117.