Thaqi i 15-ti në vrapim 800 metra
Leon Thaqi ka garuar të dielën mbrëma për Kosovën në Lojërat Mesdhetare “Taranto 2026”.
Atleti kosovar garoi në 800 metra vrapim. Kishte kohë prej 1 minutë, 49 sekonda e 80 të qindtat. Ishte i 15-ti, përkatësisht i parafundit prej atletëve që e përfunduan shtegun. Prapa Thaqit mbeti një maroken.
Dy vrapues nuk e përfunduan garën.
Tetë më të mirët kaluan në finale.
Garat e atletikës në Lojërat Mesdhetare filluan të dielën.
Hendbollistet e humbin edhe ndeshjen e fundit në grup
Hendbollistet e Kosovës kanë vazhduar me humbje në Lojërat Mesdhetare “Taranto 2026”.
Të dielën, në ndeshjen e fundit në grup, Kosova pësoi 27:22 nga Maqedonia e Veriut.
Maqedonia e Veriut ishte gjithë kohën në epërsi, ndërsa Kosova vazhdimisht në ndjekje të rezultatit. Është afruar, por pa ia dalë të barazojë.
Kosova i ka humbur të gjitha pesë ndeshjet e deritashme. E ka edhe një ndeshje për plasman final, të martën.
Humbje të thella për Kosovën edhe në pingpong
Garimin në Lojëra Mesdhetare e kanë përfunduar edhe pingpongistët e Kosovës. Dhe nga “Taranto 2026” ata sjellin vetëm humbje.
Shega Hashani humbi 4:0 në sete nga Matilde Seramota Pinto e Portugalisë, të dielën.
11:5, 11:8, 11:7, 11:4 përfunduan setet në të mirë të portugezet. Kreshnik Mahmuti humbi po ashtu me 4:0 në sete. Pësoi 11:1, 11:7, 11:6 dhe 11:8 nga Matteo Mutti i Italisë.
Hashani e Mahmuti të shtunën garuan në konkurrencë mikse. Humbën 3:0 në sete nga ekipi i Serbisë.