Mbrojtësi i krahut, Sergino Dest, është i vendosur të mbetet pjesë e Barcelonës edhe për këtë edicion.
“Mundo Deportivo” ka raportuar të hënën, se Dest tashmë ka refuzuar të gjitha ofertat nga klubet e tjera, pasi dëshira e tij është të qëndrojë te Barça.
Ai ka njoftuar edhe krerët e klubit për vendimin e tij dhe synon ta bindë trajnerin Xavi Hernandez se meriton një vend titullari.
Dest këtë edicion nuk e ka regjistruar asnjë paraqitje, ndërsa me Barcelonën ka kontratë deri në vitin 2025.
Ai iu bashkua ekipit spanjoll në vitin 2020 nga Ajaxi për 21 milionë euro.
Artikuj të ngjashëm