Daniele De Rossi e ka nisur me fitoren karrierën si trajner te Roma.
Të shtunën, Roma mposhti në “Olimpico” 2:1 Veronan.
Romelu Lukaku (19’) dhe Lorenzo Pellegrini (25’) realizuan golat e fitores për romakët.
Te mysafirët, ngushtoi epërsinë Michael Folorunsho në minutën e 76-të. Dhjetë minuta më herët, Djuriq e kishte humb penalltinë.
Fitorja mban Romën në vendin e tetë me 32 pikë, dy pikë më pak se vendi i katërt që mbahet nga Fiorentina e për të cilin, De Rossi ka thënë se është synim i klubit këtë sezon.
Verona është e 18-ta me 17 pikë.
Artikuj të ngjashëm