Mbrojtësi i Brazilit, Danilo edhe zyrtarisht ka rinovuar edhe për një vit kontratën me skuadrën e Juventusit. Klubi italian të enjten ka njoftuar se me rinovimin e kontratës, Danilo do të jetë pjesë e Juventusit deri në verën e vitit 2025.
31-vjeçari iu bashkua Juventusit në vitin 2019 nga Manchester City, ndërsa këtë sezon po e bart shiritin e kapitenit.
Këtë edicion ai ka luajtur në të gjitha ndeshjet në Serie A, duke regjistruar 24 paraqitje, ku ka shënuar 3 gola dhe ka bërë po aq asistime.
“Danilo dhe Juventusi, vazhdojnë bashkëpunimin deri në vitin 2025 dhe të dyja palët janë shumë të lumtur”, thuhet ndër të tjera në njoftimin e Juventusit.
Në total, Danilo ka 33 ndeshje të luajtura këtë sezon në të gjitha garat.
Artikuj të ngjashëm