Warriors Stephen Curry ka shënuar 30 pikë, përfshirë pesë trepikësha. Ai ishte vendimtar në fitoren që Golden State Warriors e arriti kundër Boston Celtics me rezultatin 111:107.
Ishte fitorja e parë e “luftëtarëve” pas pesë disfatave të njëpasnjëshme nga Bostoni. Kontribut në fitore dhanë edhe Andrew Wiggins me 27 pikë, ndërsa Kevon Looney regjistroi 10 kërcime.
Ishte fitorja e tretë e njëpasnjëshme për vizitorët. Për trajnerin e kësaj skuadre, Steve Kerr, ishte fitorja e 400-t si trajner. Desmond Bane në një duel tjetër shënoi 24 pikë.
Memphis Grizzlies e ktheu rezultatin ani pse ishte duke humbur me 15 pikë dallim. Në fund, Grizzlies triumfoi përballë Sacramento Kings, 124:105. Dillon Brooks dha kontributin e tij në fitore me 23 pikë e gjashtë kërcime. Ishte fitorja e gjashtë rresht si mysafir për Grizzlies, më së shumti që prej vitit 2016.