Crystal Palace ka turpëruar Arsenalin në përballjen e xhiros së 32-të në Premier Ligë.
Klubi londinez mposhti “Topçinjtë” me rezultat 3 me 0.
Andros Townsend shënoi golin e parë në ndeshje, në minutën e 17-të.
Dy golat tjerë erdhën në pjesën e dytë, kur pritej që Arsenali të këndellej.
Yohan Cabaye dhe Luka Milivojeviq shënuan dy gola të shpejtë në minutat 63 dhe 68 për të fundosur ekipin e Arsene Wengerit.
Arsenali mbetet i gjashti me 54 pikë të tubuara, tri më pak se Manchester Unitedi që është i pesti e shtatë më pak se Manchester City që mbyll top-katërshen. Crystali mbetet i 16-i me gjashtë pikë më shumë se zona e largimit.