Coventry City e ka befasuar Wolverhamptonin dhe ka avancuar në gjysmëfinale të Kupës FA vetëm për herën e dytë në histori të klubit.
Gjysmëfinalen Coventry e arriti pas fitores 3:2 në udhëtim, në ndeshjen dramatike që u vendos në minutën e dhjetë të shtesës.
Ellis Simms shënoi në minutën e 53-të për skuadrën e kategorisë së dytë të futbollit anglez.
Më pas, skuadra e Premier Leagues e ktheu epërsinë pas golave të Rayan Ait-Nourit në minutën e 83-të dhe Hugo Buenos në minutën e 88-të.
Kur ndeshja po shkonte drejt përfundimit, në skenë u shfaq sërish Simms që i barazoi shifrat në minutën e shtatë të shtesës.
Tre minuta më pas, Haji Wright shënoi edhe një gol tjetër për fitoren 3:2.
Coventry e ka fituar Kupën FA në vitin 1987 duke e mposhtur Tottenhamin në finale.
Megjithatë, do ta ketë shumë të vështirë ta përsërisë atë sukses.