Sulmuesi Joaquin Correa do të largohet nga Interi për ta vazhduar karrierën në Francë.
Correa do t’i bashkohet skuadrës së Marseillet, që ka arritur marrëveshje me Interin për transferimin e tij. Correa këtë javë do të prezantohet te skuadra franceze dhe po shihet si përforcim i rëndësishëm për këtë edicion, ka shkruar “FootMercato” të enjten.
Ai do të huazohet për një vit, ndërsa Marseille e ka të obliguar blerjen e tij për 15 milionë euro në fund të edicionit.
Correa në vitin 2021 iu bashkua Interit nga Lazio për 30 milionë euro, por nuk bindi me paraqitjet e tij,. Në 77 ndeshje të luajtura në të gjitha garat, Correa ka shënuar 10 gola dhe ka bërë 5 asistime. 29-vjeçari ka kontratë me Interin deri në vitin 2025.
