Kampioni në fuqi i Anglisë, Manchester City është në epërsi 2:1 ndaj Manchester Unitedit pas pjesës së parë. Kjo ndeshje që po luhet në “Etihad Stadium” i takon xhiros së 28-të në Premier League. Mesfushori belg Kevin De Bruyne ka shënuar të dy golat për Cityn.
Fillimisht, ai e kaloi Cityn në epërsi në minutën e pestë, ndërsa golin e dytë e realizoi në minutën e 28-të. Për Unitedin, ka shënuar Jadon Sancho (22’) pas asistimit të Paul Pogbas.
Unitedi në këtë takim po paraqitet pa yllin kryesor, Cristiano Ronaldon.