Manchester City e ka fituar ndeshjen e mbetur të xhiros së 29-të të Premier Leagues dhe i është afruar Arsenalit lider në vetëm një pikë.
City të enjten mbrëma fitoi thellë në udhëtim te Brightoni me rezultatin 4:0.
Kevin De Bruyne e hapi serinë e golave në minutën e 17-të.
Ai realizoi golin e tij të parë në Premier League me kokë, pas harkimit të Kyle Walkerit.
Më pas, në skenë doli i talentuari Phil Foden që shënoi dy gola.
Në minutën e 26-të falë edhe një devijimi realizoi për 2:0, ndërsa në minutën e 34-t, plasoi bukur topin nga zona pas gabimit që bënë lojtarët vendës në mbrojtje.
Në minutën e 62-të, golin për 4:0 e shënoi sulmuesi argjentinas, Julian Alvarez.
Edhe
City fiton ndeshjen me tetë gola, shkëputet në krye
City ka 76 pikë dhe zë vendin e dytë, një më pak se Arsenali që kryeson tabelën, por që ka një ndeshje më shumë të zhvilluar.
City ndeshjen e mbetur të xhiros së 34-t e ka kundër Tottenhamit në udhëtim.
Tottenham – Manchester City zhvillohet më 14 maj.
