Manchester City është gati t’i shpenzojë 60 milionë funte për mesfushorin e Leeds Unitedit, Kalvin Phillips, raporton “Daily Mail” të shtunën.
Mesfushori anglez, për të cilin është thënë se është i gatshëm të largohet nga “Elland Road” këtë verë, është në kërkim të një përfaqësuesi të ri, e më pas mund të finalizohet edhe ky transferim.
26-vjeçari ka qenë prej më të mirëve tek Anglia në Evropianin e vitit të kaluar kur “Tre Luanët” shkuan deri në finale, ndërsa ishte prej lojtarëve më të mirë edhe te Leedsi.
Mesfushori defensiv në 23 ndeshje realizoi një gol e një asistim.
