Kapiteni Reece James nuk do të jetë në gjendje ta ndihmojë Chelsean në derbin e Londrës kundër skuadrës së Arsenalit, kanë njoftuar mediumet britanike të mërkurën. James nuk do të përfshihet në listë nga trajneri Mauricio Pochettino për këtë ndeshje shkaku i një lëndimi tjetër.
Ai është dëmtuar në stërvitje të mërkurën dhe mund të jetë i detyruar të pauzojë të paktën deri në fund të muajit.
Ai pritej të rikthehej në fushë ndaj Arsenalit pasi ishte rikuperuar nga lëndimi që e kishte pësuar në muajin gusht, por tani një problem tjetër ka ndalur mbrojtësin e krahut të djathtë.
James këtë edicion ka vetëm një paraqitje për Chelsean, ekip që zë vendin e 11-të në Premier League.
Dueli mes Chelseat dhe Arsenalit, zhvillohet të shtunën prej orës 18:30 dhe i takon xhiros së 9-të të kampionatit anglez.