Chelsea ka shënuar fitore bindëse dhe ka kaluar në fazën tjetër në Kupën FA. Të shtunën në “Stamford Brige”, londinezët mposhtën Chesterfieldin me rezultatin e thellë 5:1.
Në pjesën e parë nikoqirët shënuan katër gola. Serinë e golave e hapi Timo Werner në minutën e gjashtë për 1:0.
Hudson Odoi, Romelu Lukaku dhe Andreas Christensen shënuan për rezultatin 4:0 në pjesën e parë.
Me të nisur pjesa e dytë vendasit shënuan sërish. Në minutën e 55-të Hakim Ziyech shënoi nga pika e bardhë për 5:0.
Golin e vetëm për mysafirët e shënoi Akwasi Asante për 5:1.
