Konfederata Evropiane e Futbollit (UEFA) nuk e ka pritur mirë vendimin e Belgjikës për të ndërprerë kampionatin e futbollit dhe për të shpallur kampionin.
Në Belgjikë të enjten u vendos që kampionati mos të vazhdohet dhe të shpallet kampioni. Menjëherë UEFA dërgoi letër për federatat nacionale duke lënë të kuptohet se ndërprerja e kampionateve mund të kushtojë me largim të vendeve përkatëse nga garat evropiane.
Të premten për këtë çështje ka folur edhe presidenti i UEFA-s, Aleksander Çeferin.
“Solidariteti nuk është rrugë njëkahëshe. Belgët dhe të gjithë të tjerët që mund të mendojnë njëjtë në këtë kohë, rrezikojnë pjesëmarrjen në garat evropiane në edicionin e ardhshëm”, ka thënë Çeferin për ZDF.
Artikuj të ngjashëm
-
Federata belge megjithatë do të kërkojë miratimin e UEFA-s para se të anulojë kampionatin
-
UEFA shtyn diskutimet me klubet për të ardhmen e garave evropiane
-
Pse Çeferini e bojkotoi finalen e Botërorit?
-
Çeferini nuk do të kandidojë për president të UEFA-s në vitin 2027
-
Çeferin: Shpresoj të mos ketë më Botëror në dimër