Milani ka njoftuar se operimi në gjurin e Davide Calabrias është kryer me sukses gjatë ditës së premte.
Mbrojtësi i krahut të djathtë i Milanit kishte probleme me meniskun në gjurin e këmbës së djathtë. “Rossonerët” konfirmuan se ai është operuar në klinikën “La Madonnina”.
Calabria, i cili ka luajtur në 25 ndeshje në elitën e futbollit italian këtë edicion, do të kthehet në fushë pas 30 ditëve.
