Chelsea ka shënuar fitore bindëse 3:0 ndaj Wolvesit, në kuadër të xhiros së 10-të në Premier League të shtunën.
Në “Stamford Brdige”, Blutë zhvilluan ndeshje dominuese. Në listën e realizatorëve të Chelseat për herë të parë u fut edhe sulmuesi shqiptar Armando Broja.
Kai Havertz në fund të pjesës së parë e shënoi golin e parë për vendasit. Christian Pulisiq (54’) dyfishoi rezultatin.
Rezultati përfundimtar u vulos nga Broja në fund të ndeshjes me një gol mjaft të bukur.
Fitorja ngrit Chelsean në pozitën e katërt me 16 pikë. Wolvesi është i 18-ti me vetëm gjashtë pikë.
Artikuj të ngjashëm