Mesfushori 21-vjeçar Giovanni Fabbian, e ka shënuar golin e fitores për Bolognan në minutën e katërt të kohës shtesë.
Me golin e Fabbianit, Bologna mposhti Empolin në udhëtim me rezultatin 1:0, në ndeshjen e xhiros së 29-të të Serie A që u zhvillua të premten mbrëma.
Portieri Etrit Berisha dhe sulmuesi Stiven Shpendi ishin në bankën rezervë tek Empoli, ndërsa Ardian Ismajli nuk luajti shkaku i lëndimit.
Bologna e drejtuar nga trajneri Thiago Motta forcohet në vendin e katërt me 54 pikë, kurse Empoli mbetet në pjesën e poshtme të tabelës me 25 pikë.
Empoli po lufton për mbetje në elitë.
