Gazeta zvicerane “Blick” ka dhënë një version për arsyen që ka çuar deri te vendimi i Florent Hadergjonajt që të vendoste të luante për Kosovën.
Hadergjonaj kishte luajtur një ndeshje miqësore me Zvicrën, ndërsa që nga viti 2019 është pjesë e Përfaqësueses së Kosovës.
Hadergjonaj 27-vjeçar për vendimin e tij për të luajtur për Kosovën kishte thënë: “Është një zgjedhje që kam bërë nga zemra. Jam shumë i lumtur që do të luajë për Kosovën dhe nuk do të bëhem kurrë pishman për këtë vendim”.
Mirëpo, gazeta zvicerane “Blick” dyshon se kjo ishte arsyeja që e shtyu Hadergjonajn të zgjidhte Kosovën.
“Por, pse ndërroi përfaqësuesen Hadergjonaj? Është e thjeshtë: Pasi konkurrenca në pozitën e tij ishte tepër e madhe (Lichtsteiner, Lang, më vonë }idmer dhe Mbabu). Ndërrimi i përfaqësueses ishte i mundshëm pasi ai kurrë nuk kishte luajtur një ndeshje zyrtare me Zvicrën”, shkruan “Blick”.
Edhe
Në Zvicër shkruajnë për futbollistët shqiptarë që refuzuan Zvicrën për Kosovën apo Shqipërinë
E gazeta zvicerane ka cituar edhe deklaratat e Hadergjonajt pasi ai luajti ndeshjen e vetme me Zvicrën. Ai ishte aktivizuar në qershor të vitit 2017 në miqësoren me Bjellorusinë.
“Më bën shumë krenar që mund të luajë me Përfaqësuesen e Zvicrës, si në përfaqësuesen A ashtu edhe në përfaqësueset zixhir”, kishte thënë Hadergjonaj.
