Stadiumi i Real Madridit, “Santiago Bernabeu” do të kthehet në depo për furnizime mjekësore të marra nga organizatat dhe bizneset, veçanërisht ato që i takojnë sektorëve sportive, ka njoftuar faqja zyrtare e Realit, transmeton Koha.net.
Gjitha donacionet do t’i dorëzohen më pas autoriteteve sportive për t’u shpërndarë në mënyrë adekuate, për të luftuar koronavirusin.
“Klubi i futbollit Real Madridit, në bashkëpunim me Këshillin e Lartë Sportiv (CSD), ka nisur një projekt në Madrid për të furnizuar dhe shpërndarë materialin strategjik shëndetësor për t’u përdorur kundër pandemisë COVID-19. Si rezultatet i këtij bashkëpunimi të ngushtë mes dy institucioneve, ‘Santiago Bernabeu’ do të ofrojë një hapësirë për të deponuar donacionet e furnizimeve mjekësore të nevojshme për të luftuar pandeminë. Gjitha furnizimet e deponuara do të barten te autoritetet shëndetësore të Spanjë, nën autoritetin e qeverisë spanjolle, në mënyrë që resurset, aq të nevojshme në situatën aktuale emergjente shëndetësore, të shpërndahen në mënyrën më të mirë dhe efikase”, është thënë në komunikatë të klubit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo