Karim Benzema u kthye nga lëndimi dhe po synon ta gjejë një kundërshtar për ta kthyer edhe ritmin e golave të shënuar.
Benzema i Real Madridit mbajti kurorën e futbollistit më të rrezikshëm në Spanjë, por tani garën do ta bëjë me Robert Lewandowskin e Barcelonës.
Francezi është favorit për ta fituar “Topin e Artë”.
Me Real Madridin fitoi La Ligën dhe Ligën e Kampionëve, ndërsa në ligë shënoi 27 gola edicionin e kaluar.
Por, lëndimet kanë bërë që ai të mos shënojë që nga fundi i muajit gusht.
Edhe
Barcelona kthen formën dhe garën për titull
Dhe Lewandowski është shkëputur në listën e golashënuesve më të mirë. Sulmuesi polak ka nëntë gola të realizuar në gjashtë ndeshje të ligës spanjolle.
Benzema u kthye nga lëndimi të dielën e kaluar ndaj Osasunas dhe ishte hera e parë që madrilenët lëshuan pikë këtë edicion. Barazuan 1:1 në “Santiago Bernabeu”.
Benzema madje humbi penalltinë.
Real Madridi të shtunën luan në udhëtim te Getafe nga ora 21:00, në kuadër të xhiros së tetë të La Ligas.
Edhe
Benzema po shënon gola, teksa Reali synon trofetë në Spanjë dhe Evropë
Të paktën një gol i shënuar do të mund ta kthente edhe vetëbesimin te francezi, para “El Clasicos” më 16 tetor.
Barcelona luan në shtëpi kundër Celta Vigos, të dielën nga ora 21:00.
