Karim Benzema do të nënshkruajë kontratë të re me Real Madridin, bën të ditur Fabrizo Romano.
Kontrata aktuale, francezit i skadon në verën e vitit 2022. Ndërkohë mësohet se Reali do t’ia zgjasë kontratën edhe për një vit, që i bie deri në verën e vitit 2023.
Benzema është pjesë e Real Madridit që nga viti 2009. Me Realin i ka fituar të gjithë trofetë e mundshëm.
Sulmuesi 33-vjeçar e ka nisur mbarë edhe edicionin e ri, ku ka shënuar dy gola në ndeshjen e parë kundër Alavesit.
