Sulmuesi Darwin Nunez mund të largohet nga Benfica në fund të këtij edicioni, nëse ekipi nga Portugali merr një ofertë të majme për kartonin e tij.
Në fakt, Benfica u ka bërë me dije të gjitha klubeve të interesuara për uruguaianin, se duhet të ofrojnë 80 milionë euro për kartonin e tij. Te Benfica e vlerësojnë shumë Nunezin, i cili ka shkëlqyer këtë edicion dhe ka tërhequr vëmendjen e skuadrave të mëdha të Evropës.
22-vjeçari ka shënuar 26 gola në 33 ndeshje këtë sezon, ndërsa me Benfican ka kontratë deri në vitin 2025.
