Bayern Muencheni ka triumfuar sonte ndaj Bayer Leverkusenit me rezultatin 2:0, duke e ngritur epërsinë në krye të renditjes në Bundesligë.
Eric Maxim Chuopo-Moting (7’) dhe Joshua Kimmich (13’) realizuan golat për Bayernin.
Derisa Bayerni ka triumfuar, përcjellësi i parë RB Leipzigu ka pësuar 2:1 në udhëtim ndaj Koelnit. Për Koelnin luajti tërë ndeshjen Elvis Rexhbeçaj.
Bayerni pas 30 xhirove kryeson me 71 pikë, dhjetë më tepër se Leipzigu që zë vendin e dytë. I mjafton fitore në xhiron e ardhshëm për të fituar titullin e kampionit në Bundesligë.
