Bayern Muencheni nis mbrojtjen e titullit të Bundesligës kundër fituesit të Ligës së Evropës, Eintracht Frankfurtit, të premten, duke shpresuar se shpenzimet në afatin kalimtar të verës janë bërë për shkak të humbjes së sulmuesit kryesor, Robert Lewandowski. Me pesë pjesëmarrës në Ligën e Kampionëve për herë të parë këtë sezon, futbolli gjerman është në gjendje të keqe “shëndetësore”, megjithëse Bayerni do të jetë ende i favorizuar për të fituar titullin e tyre të 11-të radhazi në vend. Ndërsa Lewandowski, i cili shënoi 344 gola në 375 ndeshje në të gjitha garat gjatë tetë vjetëve në “Allianz Arena”, do të mungojë në fillim, trajneri Julian Nagelsmann do të marrë pak ngushëllim nga triumfi i së shtunës të shkuar 5:3 në Superkupë ndaj Leipzigut, i cili pa pesë lojtarë të ndryshëm që shënuan gola për bavarezët. Drejtori ekzekutiv i Bayernit, Oliver Kahn, beson se blerja e Sadio Mane nga Liverpooli mund të funksionojë në favor të kampionit gjerman, duke e bërë më pak të parashikueshëm në sulm.
“Mund të shihni se sa shumë mundësi kishim për të ecur përpara, sa formacione të ndryshme kishim, sa befasues mund të jemi”, tha Kahn.
Ndërsa golat mund të mos mungojnë në sezonin e ri, është mbrojtja ku përpjekjet e Bayernit për transferime do të testohen vërtet. Me sjelljen e qendërmbrojtësit Matthijs de Ligt nga Juventusi, Bayerni po kërkon të forcojë një mbrojtje të dobët. Sipas dëshmive të tre golave të pësuar në pjesën e dytë në Superkupë, Nagelsmann ka ende pak punë për të bërë në këtë repart. Nënkampionia e sezonit të kaluar, Borussia Dortmundi, do të kryesojë një grup të skuadrave ndjekëse që kërkon të rrëzojë nga froni kampionin e përhershëm të Gjermanisë. Pasi pranoi 52 gola vitin e kaluar, më shumë se çdo skuadër tjetër në tetëshen e parë, Dortmundi reagoi për të sjellë qendërmbrojtësit e Përfaqësueses së Gjermanisë, Nico Schlotterbeck dhe Niklas Suele nga Freiburg dhe Bayerni respektivisht. Në pjesën e përparme, Karim Adeyemi nga Salzburgu do të sigurojë një kërcënim nga krahët që Dortmundit i ka munguar që nga largimi i Jadon Sanchos në vitin 2021, ndërsa mesfushori defensiv, Salih Ozcan, është sjellë për të siguruar stabilitet. Dyshimi më i madh për Dortmundin, megjithatë do të jetë në sulm, me Sebastien Hallerin - i cili erdhi nga Ajax për të zëvendësuar Erling Haalandin që shkoi te Manchester City - do të humbasë shumë ndeshje për shkak të diagnostifikimit me kancer të testikujve. Drejtori i ri sportiv Sebastian Kehl u bëri thirrje tifozëve që të tregohen realistë në ndjekje të titullit të tyre të parë që nga viti 2012.
“Bayerni bën 285 milionë euro më shumë të ardhura se ne. Përafërsisht, ata kanë investuar dy herë më shumë në skuadrën e tyre këtë sezon sesa ne”, tha Kehl.
Leipzigu hyn në sezon pasi fitoi Kupën e Gjermanisë (2021/22), duke e mposhtur Frankfurtin në finale.
Po ashtu, Leipzigu ka mbajtur lojtarët e tij më të mirë, me futbollistin gjerman të vitit 2022 Christopher Nkunkun, që rinovoi kontratën edhe për dy vjet në qershor. I dalë nga Akademia e Paris Saint-Germaini, Nkunku shënoi 35 gola në 52 paraqitje për Leipzigun sezonin e kaluar.
“Konsistenca është çelësi. Është mënyra e vetme për ta mposhtur Bayernin drejt titullit”, tha ai.
Edhe
Lojtarët e Bayernit synojnë më shumë rekorde
Leipzig është forcuar në krahun e majtë të mbrojtjes, duke rrëmbyer David Raumin nga offenheimi para Bayernit e Dortmundit. Krahas Leipzigut, Bayer Leverkuseni ka arritur të mbajë lojtarët e tij më të mirë, me anësorin Moussa Diaby dhe mesfushorin Florian Wirtz, që zgjodhën të qëndrojnë te kuqezinjtë.
Transferimi i sulmuesit Adam Hlozek nga Sparta Praga, i cili do të jetë partneri i bashkatdhetarit Patrik Schick në sulm, rrit më tej shpresat e Bayerit, por presioni është tashmë mbi trajnerin Gerardo Seoane pas eliminimit në rundin e parë të Kupës së Gjermanisë nga SV Elversbergu i kategorisë së tretë.
Frankfurti që sezonin e shkuar triumfoi në Ligën e Evropës për ta fituar trofeun e parë evropian në 42 vjet, mund të shihet si kandidat për titull.
