Sulmi i jashtëzakonshëm i Bayern Munichut do të testojë në vikend Eintracht Frankfurtin që e ka mbrojtjen e dytë më të dobët në ligë.
Ndeshja Bayern – Frankfurt luhet të shtunën nga ora 15:30 dhe i takon xhiros së 23-të të Bundesligës.
Bayerni në 22 ndeshjet e para të edicionit ka shënuar 82 gola, derisa Frankfurti ka pranuar plot 46.
Vetëm Bayerni i edicionit 1971/72 kishte shënuar më shumë se 100 gola, gjatë gjithë kampionatit, nën drejtimin e trajnerit Udo Lattek.
Gerd Muller kishte shënuar në atë edicion plot 40 gola, rekord i cili u thye nga Robert Lewandowski në edicionin 2020/2021, që kishte një gol më shumë.
Bayerni në këtë edicion mund ta thyejë këtë rekord pasi në superformë janë Harry Kane, Michael Olise dhe Luis Diaz.
