Skuadra e Bayern Muenchenit ka shprehur interesim për mbrojtësin e Juventusit, brazilianin Danilo.
Lajmi është bërë i ditur të premten nga sajti italian “Calciomercatoweb”.
Bëhet e ditur se Bayerni do të ofrojë 20 milionë euro për ta transferuar Danilon gjatë afatit kalimtar të janarit.
Danilo te Bayerni po shihet si përforcim i duhur për mbrojtjen, pasi mund të luajë në dy krahët dhe qendër të saj.
Ai ka kontratë me Juventusin deri në vitin 2024, ndërsa klubi i ka ndërprerë negociatat me të për rinovimin e kontratës pas krizës aktuale të rezultateve.
31-vjeçari iu bashkua Juventusit në vitin 2019 nga Manchester City dhe këtë edicion ka 13 paraqitje në të gjitha garat.
