Bayern Munichu ka fituar edhe ndaj skuadrës me mbrojtjen më të mirë në Bundesligë.
Bavarezët të shtunën gjatë ditës mposhtën skuadrën e Freiburgut me rezultatin 2:1 në kuadër të xhiros së 11-të në Bundesligë dhe shënoi një tjetër rekord në elitën e futbollit gjerman. U bë skuadra e dytë që ka shënuar më së shumti gola brenda vitit kalendarik me 100 gola në Bundesligë. Këtë rekord e mban Koelni, që në vitin 1977 kishte shënuar 101 gola. Ky rekord mund të thyhet nga bavarezët.
Kjo fitore u arrit falë golave të realizuar nga Leon Goretzka dhe Robert Lewandowski.
Goretzka shënoi pas gjysmë ore lojë kur u asistua nga Thomas Muller. Sulmuesi polak ishte shënues i golit të dytë në minutën e 75-të. Për të ishte goli i 13-të sezonal në Bundesligë, derisa e ka edhe një asistim.
Krejt çfarë arriti të bëj skuadra e Freiburgut ishte shënimi i golit nga Janik Haberer në minutën e dytë të kohës shtesë. Për ta kjo ishte humbja e parë e këtij edicioni.
Freiburgu në edicionin e sivjetmë ka pranuar vetëm nëntë gola, por Bayerni me sulmin më të mirë në ligë, ka shënuar 40 në total. Bayerni është edhe lider në ligë me 28 pikë.