Barcelona nuk ka hequr dorë nga sulmuesi i Lyonit, Memphis Depay. Mediat në Spanjë shkruajnë se Barça tashmë është në negociata për të transferuar futbollistin holandez.
Depay është dëshira e trajnerit, Ronald Koeman, i cili e njeh shumë mirë lojtarin pasi ka pasur rast të punojë me të te përfaqësuesja e Holandës.
Koemani ua ka bë të qartë drejtuesve të klubit që e dëshiron Depayn në “Camp Nou” këtë verë. Bëhet e ditur se 27-vjeçari është i ngazëllyer për mundësinë që ka për tu bashkuar me Barcelonën, pavarësisht që kontrata e tij mund të mos jetë shumë fitimprurëse për shkak të problemeve financiare që ka shkaktuar pandemia COVID-19. Depay po shkëlqen me Lyonin në Francë.
Ai ka shënuar 20 gola dhe ka bërë nëntë asistime në 35 ndeshje.
