Frenkie De Jong nuk do të largohet nga Barcelona gjatë këtij muaji.
“Marca” bën të ditur të premten se drejtuesit e Barcelonës kanë marrë vendim për ta mbajtur holandezin të paktën deri në fund të sezonit.
De Jongu po konsiderohet si lojtar i rëndësishëm nga trajneri Xavi Hernandez dhe për këtë arsye nuk do të shitet.
Mësohet se Barça tashmë ka refuzuar të gjitha ofertat për 25-vjeçarin.
De Jongu ka shënuar dy gola dhe ka bërë një asistim në La Liga këtë sezon, ndërsa ka kontratë me Barcelonën deri në vitin 2026.
Ai është pjesë e Barçës prej vitit 2019 kur iu bashkua nga skuadra e Ajaxit.
