Fundjavën që lamë pas, në Itali, përveç spektaklit dhe golave në serinë A, tërhoqi vëmendje një parullë e vendosur në stadiumin ku luhej ndeshja Palermo – Cagliari.
Pak më shumë se një javë nga ndeshja Itali-Shqipëri, zhvilluar në stadiumin “Renzo Barbera” të Palermos, tifozeria shqiptare mesa duket është rikthyer në këtë stadium me një banderolë gjigante ku i kërkon falje Italisë për episodet e shëmtuara që ndodhën gjatë zhvillimit të asaj ndeshje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Me ngjyrat e flamurit italian në parullë shkruhej: “Itali, Palermo ndjesë. Për Shqipërinë ishte një festë, për rrugaçët jo!”.
Në fund, një sfond i bardhë në përfundim të mbishkrimit dhe flamujt kombëtarë të Shqipërisë e Italisë të bashkuar me njëri-tjetrin.