Sulmuesi italian, Mario Balotelli është rikthyer në futbollin turk. Ai është prezantuar të premten tek Adana Demirspori, ekip që bën gara në Superligën e Turqisë.
Balotelli me ekipin e ri, ka firmosur kontratë njëvjeçare me opsionin e rinovimit edhe për një vit tjetër. Ai tek Adana Demirspori është transferuar si lojtar i lirë, pasi ka shkëkuptur kontratën me Sionin e Zvicrës.
31-vjeçari është më herët ka qenë pjesë e Adana Demirsporit, ekip për të cilin luajti një edicion përpara se ti bashkohej Sionit verën e shkuar.
Tek Adana Demirspori, Balotelli do të jetë bashkëlojtar me reprezentuesin e Kosovës, Arbër Zeneli.
Gjatë karrierës së tij, Balotelli ka luajtur edhe për Monzan, Brescian, Marseillen, Nicen, Liverpoolin, Milanin, Manchester Cityn e Interin.
