Ylli i Paris Saint-Germainit, Serge Aurier, raportohet se është nisur drejt Torinos për të diskutuar lidhur me një kalim te Juventusi.
“Zonja e Vjetër” është në kërkim të zëvendësimit të Dani Alvesit që është larguar nga klubi.
Dëshira e parë e klubit nga Torino është Danilo i Real Madridit, por klubi madrilen kërkon 30 milionë euro për shërbimet e tij dhe Juve është dorëzuar në këtë aspekt. Si opsion tjetër, sipas “Footmercato”, është paraqitur Aurieri.
24-vjeçari thuhet se është nisur drejt Torinos për të përshpejtuar një kalim në Itali.