Atletico Madridi po përgatit ofertë për të transferuar sulmuesin spanjoll Alvaro Morata nga Chelsea, raporton "The Telegraph" të premten.
Morata kaloi pjesën e dytë të stinorit të kaluar në formë huazimi te Atletico dhe ka shprehur dëshirën që të mbetet në Madrid. Chelsea është i gatshëm të lëshojë Moratan, por për 50 milionë funte, transmeton Koha Ditore.
Morata është i huazuar te Atletico deri në verën e vitit 2020. Krerët e Atleticos janë të frikësuar se Chelsea mund të rikthejë parakohe Moratan, pasi që e ka të ndaluar të transferojë lojtarë. Për këtë arsye po mendojnë të blejnë kartonin e reprezentuesit të Spanjës.
