Argjentina dhe Franca, do të përballen në finalen e Kupës së Botës “Katari 2022”, që do të zhvillohet të dielën prej orës 16:00.
E në këtë finale, përfaqësimin më të madh do ta ketë La Liga, e cila do të ketë lojtarë më shumë se ligat tjera të forta të Evropës.
Kampionati i Spanjës, në këtë finale do të përfaqësohet me 15 lojtarë, duke lënë pas vetes Premier Leaguen me nëntë sosh.
Kampionati i Francës do t’i ketë tetë lojtarë, ndërsa Bundesliga dhe Serie A do të përfaqësohen me nga shtatë.
Sa i përket klubeve, Atletico Madridi do t’i ketë katër lojtarë në këtë finale, më shumë se çdo skuadër tjetër.
Nahuel Molina, Rodrigo de Paul e Angel Correa janë pjesë e Argjentinës, ndërsa Antoine Griezmann do të luajë për Francën.
Bazuar në këtë, Atletico do të kompensohet me 1.3 milionë euro nga FIFA.