Lucas Digne është futbollist i Aston Villës. Mbrojtësi francez është prezantuar te klubi anglez në mëngjesin e së enjtes.
Digne i ka kushtuar Aston Villas 25 milionë funte. Pas huazimit të Philipe Coutinhos, Digne është përforcimi i dytë i skuadrës së trajnerit Steven Gerrard.
“Kur Lucasi ishte i gatshëm, ne shfrytëzuam mundësinë për ta sjellë në klub. Të nënshkruash me një lojtar cilësor në afatin e janarit, është diçka e shkëlqyeshme për klubin. Ardhja e tij më emocionon mua dhe të gjithë ata që janë të lidhur me Aston Villan”, tha trajneri Gerrard.
Digne u largua nga Evertoni pas përplasjes që kishte me trajnerin Rafael Benitez.
28-vjeçari ka luajtur edhe te Barcelona, PSG-ja dhe Roma.
Si lojtar është rritur te Lille. Ka fituar tituj kampioni me Barcelonën dhe PSG-në.
