Ekipi italian, Interi, e ka zyrtarizuar të enjten transferimin e mesfushorit nga Shqipëria, Kristjan Asllani.
Kjo u bë e ditur nëpërmjet rrjetit social Twitter, ku klubi publikoi pamjet e nënshkrimit të kontratës së 20-vjeçarit.
Asllani sezonin e shkuar debutoi me ekipin e parë të Empolit dhe impresionoi me paraqitjet e tij në Serie A.
Në 26 paraqitje, mesfushori defensiv e shënoi një gol dhe bëri dy asistime. Asllani është produkt i akademisë së Empolit dhe reprezentues i Shqipërisë, ku deri më tani ka regjistruar katër paraqitje.
✍️ + ? = Kristjan Asllani ??✅#ForzaInter #WelcomeKristjan pic.twitter.com/fhZRNHtK3p
— Inter (@Inter) June 30, 2022
